Gullkorn til hugleiðingar í dagsins önn -
stöldrum við og hugleiðum...
Speki til hugleiðingar
á vordögum... Örlítil spök saga.
Ferðalangur
kom þar að sem bóndi stóð í túni sínu.
Þeir tóku tal saman. Ferðalangurinn sagðist vera að leita
sér að þorpi til að setjast að í. "Segðu
mér," spurði hann bóndann, "hvernig fólk er
þarna í þorpinu framfrá?" "Hvernig fólk
var í þorpinu þar sem þú bjóst?" spurði
bóndinn. Það var upp til hópa leiðinlegt, uppáþrengjandi,
afskiptasamt pakk!" Þá verð ég að hryggja þig,
góði maður, að fólkið í þorpinu framfrá
er alveg eins, þér mun ekki líða betur þar,"
sagði bóndi hugsi.
Og ferðalangurinn hélt sína
leið.
Einhverju síðar kom þar annar maður og heilsaði
bóndanum. Hann sagðist vilja flytja sig til og væri að leita
sér að framtíðarbústað. "Hvernig fólk
býr þarna í þorpinu framfrá?" spurði
hann. "Hvernig var fólkið þar sem þú bjóst?"
spurði bóndi. "Það var yfirleitt besta fólk,
hjálpfúst, góðviljað, umhyggjusamt." "Þá
get ég glatt þig með því að fólkið
hér í þorpinu er einmitt þannig," sagði bóndinn
og hló. "Þér á eftir að líða þar
vel!" (Úr "stories for the Journey" og er í
bókinni Orð í gleði eftir Karl Sigurbjörnsson en sú
litla bók var metsölubók heima á Íslandi í
febrúar og bókin fæst á bókaborði safnaðarins.) Albert
Einstein sagði:
"Það er hægt að lifa á
tvennan hátt, annars vegar eins og engin kraftaverk væru til. Hins
vegar eins og allt væri kraftaverk." Franskur maður sagði:
"Lífið er spegill, allt verður fallegra þegar þú
brosir." Laura Randolph sagði:
"Í hverjum karli
er konungur.
Í hverri konu er drottning.
Tala til þeirra
og þau koma í ljós." Ef Guð ætti
ísskáp
þá væru teikningarnar þínar
á hurðinni.
Ef Guð ætti veski
þá væri
mynd af þér í því.
Guð sendir þér
blóm á hverju ári
og sólarupprás á
hverjum morgni.
Hvenær sem þú vilt tala við hann,
þá hlustar hann.
Hann getur valið um að búa
hvar sem er í heiminum,
og hann vill búa í hjarta þínu. (Þýtt
úr "argument" og er að finna í bókinni
"Orð í gleði" eftir Karl Sigurbjörnsson.
Bókin
er til á bókaborði safnaðarins) ...þessi
spöku orð Móður Teresu:
Lífið er tækifæri,
gríptu það.
Lífið er fegurð, dáðu
hana.
Lífið er gjöf, njóttu hennar.
Lífið
er draumur, láttu hann verða að veruleika.
Lífið
er áskorun, taktu henni.
Lífið er skylda, gerðu hana
Lífið er leikur, leiktu hann.
Lífið er dýrmætt,
gættu þess.
Lífið er auðlegð, varðveittu
hana.
Lífið er kærleikur, gef þig honum á vald.
Lífið er loforð, láttu það rætast.
Lífið
er sorg, sigraðu hana.
Lífið er söngur, syngdu hann! ...
og ennfremur: "Komdu fram við náunga
þinn eins og þú vilt að hann komi fram við þig
- og vertu fyrri til !! E.N. Westcott
"Alheimurinn
er fullur af undrum en við erum svo vön þeim að við köllum
þau hversdagshluti." H.C. Andersen Stundum er gott
að horfa á hið stóra samhengi lífsins, Pétur
Gunnarssons segir í ljóði:
"Af jarðarinnar hálfu
byrja allir dagar fallega
þolinmóð snýst hún
og snýst
með trén og höfin og vötnin
eyðimerkurnar
og eldfjöllin
okkur tvö og ykkur hin
og öll dýrin."
Undarlegur er tíminn sem hleypur frá okkur... Einar Benediktsson
orti:
"Stundin deyr og dvínar burt
sem dropi í straumaniðinn.
Öll vor sæla er annaðhvurt
óséð - eða
liðin."
Já og þess mikilvægara er að
grípa tækifærin, Dag Hammerskjöld sagði:
"Lít
ekki um öxl og lát þig ekki dreyma um framtíðina.
Hún getur ekki gefið þér hið liðna aftur né
fullnægt lukkudraumum. Skylda þín og laun - örlög
þín - eru hér og nú." Orð Páls
postula eru gott veganesti:
"Verið ávalt glöð í
Drottni. Ég segi aftur: Verið glöð. Ljúflyndi yðar
verði kunnugt öllum mönnum. Drottinn er í nánd. Verið
ekki hugsjúk um neitt, heldur gjörið í öllum hlutum
óskir yðar kunnar Guði með bæn og beiðni og þakkargjörð.
Og friður Guðs, sem er æðri öllum skilningi, mun varðveita
hjörtu yðar og hugsanir yðar í Kristi Jesú.
| 
