|
|
Almennar upplýsingar um ferminguna Íslensk ferming í Svíþjóð Íslenskum ungmennum stendur til boða að taka þátt í fermingarfræðslu á vegum Íslensku kirkjunnar í Svíþjóð. Fræðslan hefst með fermingarmóti í lok september. Þar hittast íslenskir unglingar víða að. Auk unglinga sem búsettir eru í Svíþjóð koma einnig unglingar frá Noregi og Danmörku með prestunum sínum. Á fermingarmótinu samtvinnast nám, leikur og skemmtileg samvera. Sjá nánar um fermingarfræðsluna úndir hnappnum "Dagskrá" Unglingar sem fara þessa leið geta svo valið um hvort þeir fermist í Svíþjóð eða á Íslandi. Fermingarmessur fara fram í Gautaborg, Lundi og Stokkhólmi en einnig má koma við sérstakri athöfn að ósk fermingarbarns og aðstandenda þess. |
