Íslenskar athafnir í Svíþjóð

Almennar upplýsingar um skírnina.

Íslensk skírn í Svíþjóð

Öllum Íslendingum í Svíþjóð stendur til boða að láta skírast á vegum íslenska safnaðarins. Athafnir geta farið fram hvar sem er að samkomulagi prests og aðstandenda.

Þegar prestur skírir barn færir hann skírnarskýrslu og sendir til Þjóðskrár á Íslandi. Einnig er skýrsla send til Sænsku kirkjunnar ef foreldrar eru meðlimir hennar. Við skírn þarf að leggja fram fæðingarvottorð skírnarþega (personbevis) og má nálgast það á manntalsskrifstofum. Best er að þar sé nafn barnsins skráð, því Þjóðskráin á Íslandi skráir nafn barns eins og það er skráð hér í Svíþjóð.

Fólki ber að hafa í huga að þótt skírn tengist nafngjöf frá fornu fari, þá er alls ekki um sama hlut að ræða. Með skírn er barnið (einstaklingurinn) tekið inn í kirkjuna og þess beðið að blessun Guðs megi aldrei frá því víkja. Nafngjöf hefur hins vegar farið fram í tengslum við þá athöfn.

.